Класічны амерыканскі стыль, класічны амерыканскі хмель. Наша новая «Трасца» зроблена з Centennial — адным з найбольш падыходзячых для IPA гатункаў хмелю. Ён мае інтэнсіўны цытрусавы пах з выразнымі лімоннымі нотамі, тонамі кветак і зёлак, якія добра пасуюць да IPA у стылі заходняга ўзбярэжжа. Мы выкарысталі Centennial свежага ўраджаю і паспрабавалі выцягнуць з яго ўсё хмелевае багацце, пры гэтым зрабіць піва піткім, яскравым, з сакавітай горыччу, якая не забівае ўсе астатнія адценні ў смаку.