У новай «Смузе» мы выкарысталі аўстралійскі хмель Vic Secret найноўшага ўраджаю. Першыя камерцыйныя партыі гэтага гатунку з’явіліся ў 2013 годзе, хоць ягоная селекцыя вядзецца з пачатку нулявых. Vic Secret паходзіць ад іншага, больш вядомага акіянічнага гатунку Topaz. Ён адначасова можа выкарыстоўвацца і для горычы, і для водару, балазе мае насычаны трапічны профіль з адценнямі ананаса, лайма, маракуі. У нашым піве, якое традыцыйна мае непраглядна-жоўты колер, хмель Vic Secret праявіўся таксама тонамі лугавых зёлкаў, ягадаў і грушы.