Наша першае знаёмства з хмелем Medusa атрымалася проста чароўным, таму мы выпускаем яшчэ адзін сінгл-хоп NEIPA з ім. Гэты 100-адсоткавы neomexicanus утрымлівае невялікую колькасць альфа-кісляў, затое ў ім шмат мірцэну, які надае піву яскравы трапічны профіль. Дзякуючы гэтаму піва з Medusa вылучаецца адценнямі дыні, гуавы, какоса, абрыкоса. Усё гэтае экзатычнае багацце разам са шчыльнай базай, непраглядна-жоўтым колерам і сакавітым смакам робіць нашу новую «Смугу» падобнай на экзатычны сок.