Серыя «Слодыч» прысвечана імперскім пэйстры-стаўтам — моцным, шчыльным, салодкім і цягучым. Працягваем лінейку, натхнёныя чарговым ласункам — шакаладным кексам. На этапе даспявання мы дадалі какаву, каб падкрэсліць выразны смак шакаладнага і бісквітнага соладу. За дадатковыя акцэнты адказваюць цынамон, ваніль і чорны кардамон. Апошні інгрэдыент рэдка выкарыстоўваюць у кандытарскай справе, але ягоны духмяны і крыху вэнджаны пах цікава спалучаецца з салодкай базай піва, робячы смак яшчэ больш складаным. У выніку атрымалася шматграннае піва непраглядна-чорнага колеру з высокім градусам, выразным шакаладным профілем і адценнямі спецый у паху і смаку.