Шмат хто чуў пра беларускі і польскі спецыялітэт — настойку з зуброўкі. Але мала хто ведае асаблівасці гэтай збажыны. Яна даволі шырока пашыраная ў Беларусі, але найбольш распаўсюджаная ў ваколіцах Белавежскай пушчы і лічыцца адным з яе турыстычных сімвалаў. Зуброўку ахвотна ядуць зубры, — адсюль і назва, але цікавая яна і чалавеку. У гэтых зёлках утрымліваецца кумарын — араматычнае рэчыва, якое выкарыстоўваецца ў харчовай прамысловасці, тытуні, парфумерыі. Гэтае ж рэчыва ўтрымліваюць, напрыклад, цынамон і бабы тонка. Дзякуючы кумарыну, яны маюць яскравы салодкі профіль, які добра падыходзіць да папулярных цяпер кандытарскіх стаўтаў.

Мы вырашылі дадаць у наш новы «Слодыч» менавіта зуброўку. Мы зрабілі з сушаных сцёблаў экстракт, які залілі ў піва на этапе даспявання разам з какавай. Такое спалучэнне выдатнае пасуе да салодкай базы напою з выразным профілем шакаладнага і бісквітнага соладу, робячы з нашага моцнага і шчыльнага стаўта сапраўдны дэсерт.