Мы прапануем паглядзець на таматнае піва з іншага ракурсу. Усе ўжо прызвычаіліся да густых барвовых напояў, але таматы бываюць не толькі чырвонымі. На гэты раз мы ўзялі найсвяжэйшыя жоўтыя таматы, зрабілі з іх пюрэ і дадалі яго да кісла-салёнай базы. Каб падтрымаць каляровы кірунак, мы падабралі адмысловы перац — кітайскі Hainan Yellow Lantern Chili. Як зразумела з назвы, ён мае жоўты колер, расце на выспах паўднёвай правінцыі Хайнань і сваім выглядам нагадвае ліхтар. Гэты перац з’яўляецца адным з падвідаў хабанэра, ён пякучы (дасягае 150 тысяч адзінак вастрыні па шкале Сковіла), але пры гэтым досыць араматны, таму добра пасуе да розных страў у выглядзе соусаў. Дзякуючы яму новая «Сальса» атрымала сагравальны эфект, які не перабівае свежы салодкі смак жоўтых таматаў і насычаны вэнджана-часнычны фон.