Чарговая Saĺsa, і зноў гэта займальнае выпрабаванне для вашых смакавых рэцэптараў. У гэты раз мы дадалі ў наш піўны соус трошку сычуанскага перцу – адной з асноўных кулінарных спецый у Кітаі, занесенай у спіс найстаражытнейшых у рэгiёне. Нягледзячы на сваю назву, з чорным перцам ці перцам чылі ён мае мала агульнага, і родна бліжэйшы да цытрусавых. Тонкі водар каляндры, лёгкае адчуванне знямення рэцэптараў, выкліканае спецыфічным хімічным складам кітайскай спецыі, у спалучэнні з ужо сталымі традыцыйнымі перцам чылі і вэнджанымi ноткамi робяць нашу новую сальсу сапраўднай прыгодай праз вымярэнні смаку.