Новы гатунак у серыі супер-моцных і мега-сакавітых NEIPA «Павалока» мы зрабілі з топавым амерыканскім хмелем Talus. У камерцыйным доступе ён з’явіўся толькі ў мінулым годзе, але адразу стаў адным з улюбёнцаў півавараў. Дзякуючы цікаваму профілю з адценнямі сушаных ружаў, шалфею, какосу, а таксама тонкімі ноткамі цэдры грэйпфрута і лімона з дапамогай Talus, як на ўзмах чарадзейнай палачкі, можна пераўтварыць піва у сапраўдны трапічны сок. Усё гэтае экзатычнае багацце разам з непраглядна-жоўтым колерам нашай «Павалокі», яе белай шаўкавіста-сметанковай пенай, насычаным саграваючым смакам і лёгкай горыччу ў паслясмаку прыйдзецца да спадобы ўсім аматарам сучасных NEIPA.