Серыя піва Maladzik прысвечаная спецыялізаваным блэндам з удзелам ўайлд-эляў. У гэтым гатынку мы выкарысталі малады сэзон, у які былі дададзеныя першыя вясновыя дзьмухаўцы — сакавітыя, духмяныя і поўныя мядовага пылку. Яны былі сабраныя да сезону апылення пчоламі ў чыстым полі ўдалечыні ад дарог і гарадскога жыцця і перадалі ў піва свой салодкі кветкавы пах. Гэтае піва было змяшанае з ўайлд-элем, які доўга выспяваў у дубовай бондзе. Вынікам гэтага блэнду стала складанае і шыпучае піва, якой даспявала і дабраджвала некалькі месяцаў у бутэльках.