Мы працягваем паглыбляцца ў сусвет новых гатункаў хмелю. Адзін з іх — Triumph, які з’явіўся ў камерцыйным распаўсюдзе толькі ў пазамінулым сезоне. Дзякуючы свайму еўрапейскаму паходжанню Triumph мае характэрныя рысы — выразныя кветкавыя і травяністыя ноткі. Але ў піве праяўляюцца і больш характэрныя для амерыканскага хмелю адценні трапічнай і косткавай садавіны, пераважна лайма, апельсіна і персіка. Дзякуючы гэтаму, новая «Ліхаманка» мае выразны хмелевы пах і насычаны сагравальны смак з працяглай, але лагоднай горыччу.