Гэта рана ці позна павінна было здарыцца! На базе піва ў стылі берлінер вайсэ мы зрабілі напой, падобны да махіта. Лайм і мята, адказныя за пазнавальны профіль гэтага кактэйлю, так жа добра пасуюць да піва ў гэтым стылі. Мы робім яго аўтэнтычным метадам змешанай ферментацыі, і за конт удзелу лактабактэрый ад пачатку браджэння, кіслінка ў напоі атрымліваецца больш выразнай і збалансаванай. Вынікам стала піва малочна-жоўтага колеру з яскравым пахам лайма і мяты, якое адрозніваецца ад узорнага кактэйлю меншай колькасцю алкаголю і больш сухім смакам, што робіць яго нашмат больш лёгкім і асвяжальным.