Зноў звяртаем увагу на старадаўні нямецкі стыль ліхтэнхайнер. У гэтага піва вельмі цікавы і кантрасны профіль: яно адначасова кіслае і вэнджанае. Каб яшчэ больш узмацніць дымныя адценні, мы выкарысталі солад, які сушыцца на торфе, а для таго, каб падкрэсліць кіслінку, дадалі смуродзіны. Гэтыя ягады вельмі часта выкарыстоўваюцца ў розных гатунках піва, і нездарма: яны прыўносяць насычаны барвова-пурпурны колер і ягадны пах. Усе гэтыя характарыстыкі добра спалучаюцца з базай нашага «Дыму». Вынікам стала асвяжальнае піва з выразным тарфяным профілем і прыемным смакам смуродзінаў.