Мы вельмі даўно планавалі калабарацыю з нашымі сябрамі з беларускага гурта Dlina Volny, і заўсёды ажыццяўленню нашых планаў нешта замінала. Але зразумеўшы, што ні час, ні адлегласці, ні атачальная трывожнасць асяроддзя не могуць спынiць гэтую хвалю, мы абядналіся і адмыслова да выхаду новага альбома гурта зварылі супольны гатунак пад назвай Dazed. Гэта сакавіты кіслы эль з даданнем пюрэ трускавак і фейхоа, такі ж містычны, сабраны з аскепкаў фантазій, хваляванняў і эмоцый, як і сам альбом. Зусiм розныя на першы пагляд смакi экзатычнага фейхоа і родных трускавак сплятаюцца ў дзіўна гарманічны напой. Ды так, нібы былі створаны адзiн для аднаго.